خوبصورت جِلد کیلئے 3 ضروری آئل

16 مئی ، 2020

خوبصورت نظر آنا ہر عورت کی خواہش ہوتی ہے اور اِس ضمن میں وہ اپنی جِلد کو دلکش اور حسین بنانے کے لیے ہر وہ طریقہ اپناتی ہے جس سے وہ سب سے زیادہ حسین نظر آئے لیکن بعض اوقات کچھ خواتین اپنی جِلد کے لیے ایسے کیمیکلز کا بھی استعمال کرلیتی ہیں جن سے اُن کی جِلد مزید خراب ہوجاتی ہے۔

ایسے میں ماہرین کہتے ہیں کہ اگر آپ اپنی جِلد پر کیمیکلز کے بجائے قدرتی چیزوں کا استعمال کریں تو وہ آپ کے لیے زیادہ فائدہ مند ثابت ہوگا۔

ماہرین جِلد کی خوبصورتی کے لیے 3 ایسے ضروری آئلز بتاتے ہیں جو آپ کی جِلد کو ایکنی، کیل مہاسے، چکنا پن، خشکی اور دیگر مسائل سے بچا سکتے ہیں، اِس کے ساتھ ہی آپ کی جِلد کو تروتازہ اور دلکش بھی بنانے میں مدد کریں گے۔

حسین جِلد کے لیے ضروری آئلز:

ٹی ٹری آئل:

ٹی ٹری خوشبو والی جھاڑیاں ہوتی ہیں جن سے تیل نکالا جاتا ہے اور یہ تیل بہت سے فوائد کے لیے استعمال کیا جاتا ہے۔

ٹی ٹری آئل کو جِلد کے لیے مفید اِس لیے سمجھا جاتا ہے کیونکہ اِس میں موجود اینٹی بیکٹریل کی خصوصیات ہماری جِلد پر موجود مہاسوں کو ختم کرنے میں معاون ثابت ہوتی ہیں۔

ٹی ٹری آئل کے صرف جِلد سے متعلق فوائد نہیں ہیں بلکہ اِس کے استعمال سے سَر کی خشکی بھی ختم ہوجاتی ہےاور یہ کیڑے کے کاٹنے کی وجہ سے ہونے والے زخم پر بھی مرہم کے طور پر لگایا جاتا ہے۔

وٹامن سی اور ای آئل:

وٹامن سی اور وٹامن ای آئل دونوں ہی ہماری جِلد کے لیے بہت فائدہ مند ہوتے ہیں، یہ ایکنی، کیل مہاسے، خشکی، بڑھتی عُمر کے اثرات اور جِلد کے دیگر مسائل سے لڑنے میں مددگار ثابت ہوتے ہیں۔

آپ اِن میں سے کسی بھی ایک آئل کا انتخاب کرسکتے ہیں کیونکہ دونوں آئل میں ایک جیسی ہی خصوصیات موجود ہوتی ہیں اور بازار میں وٹامن سی اور ای آئلز کا مرکب بھی دستیاب ہوتا ہے تو اگر آپ چاہیں تو آپ وہ بھی استعمال کرسکتے ہیں۔

لیونڈر آئل:

لیونڈر آئل کے مختلف قسم کے فوائد ہیں، یہ آئل آپ کے دماغ کو سکون پہنچانے اور آپ کو بھرپور نیند فراہم کرتا ہے۔

یہ آئل آپ کی خوبصورت جِلد کے لیے بہت اہم ہوتا ہے۔ اگر باقاعدگی سے روزانہ اِس آئل کا استعمال کریں گے تو آپ کی جِلد چمکنے لگے گی۔

اِس کے علاوہ اِس آئل میں اینٹی سوزش کی خصوصیت بھی موجود ہوتی ہے جو ہمارے جسم کے کسی بھی حصے پر موجود سوزش کو کم کرنے میں مدد کرتی ہے۔

ضروری آئلز کا استعمال کیسے کریں؟

ماہرین کہتے ہیں کہ آپ اِن آئلز کو فوراً سے اپنی جِلد پر نہ لگائیں کیونکہ ہر ایک کی جِلد مختلف ہوتی ہے اِس لیے پہلے آپ اِن آئلز کا اپنے ہاتھ پر پہلےٹیسٹ کرلیں اگر آپ کے ہاتھ کی جِلد پر اِس کے خراب اثرات مرتب نہیں ہوتے ہیں تو آپ یہ آئلز اپنے چہرے پر لگاسکتے ہیں لیکن اگر پیچ ٹیسٹ کے دوران آپ کو کسی بھی قسم کی کوئی جلن وغیرہ محسوس ہو تو آپ اپنے چہرے پر اِن آئلز کا استعمال کرنے سے گریز کریں۔

تازہ ترین