فرمان الہی
نماز کے اوقات
سندھ اسمبلی کے اراکین، کے الیکٹرک کے سی ای او مونس علوی پر برہم ہوگئے، شکایتوں کے انبار لگا دیے۔
کراچی میں سندھ اسمبلی کے اجلاس کے دوران جماعت اسلامی کے رکن محمد فاروق نے کہا کہ گزشتہ اجلاس میں طے ہوا تھا کہ رات کی لوڈ شیڈنگ نہیں ہوگی۔
انھوں نے پوچھا کہ شیڈول کب، کیسے اور کس کی اجازت سے تبدیل ہوا ہے۔
سی ای او کے ای مونس علوی نے کہا کہ ہیٹ ویو 45 ڈگری پر لوڈ شیڈنگ نہیں کرتے ہیں۔
جماعت اسلامی کے رکن محمد فاروق نے کہا کہ کراچی میں 45 ڈگری درجہ حرارت کب ہوا ہے، جس پر سی ای او کے الیکٹر مونس علوی نے کہا جماعت اسلامی والوں کو ہم سے کچھ زیادہ محبت ہے۔
محمد فاروق نے کہا جماعت اسلامی غور کر رہی ہے کہ ہم ڈسٹری بیوشن کمپنی لے آئیں۔
رکن پی پی آصف موسیٰ نے کہا کچھ تاجر اپنی کمپنی لانا چا رہے ہیں لیکن آپ ان کی مخالفت کر رہے ہیں۔
جماعت اسلامی کے رکن محمد فاروق نے کہا آج کا اجلاس نتیجہ خیز ثابت ہونا چاہیے، شہریوں کو ریلیف ملنا چاہیے۔ انھوں نے مزید کہا کے الیکٹرک نے اپنی ہٹ دھرمی جاری رکھی تو آئندہ اجلاس کا بائیکاٹ کروں گا۔
ایم کیو ایم کی رکن بلقیس مختار نے کہا کے الیکٹرک کے سی ای او سنجیدہ نہیں اور پوائنٹ نوٹ نہیں کر رہے۔
لیاری سے آزاد رکن سجاد سومرو نے کہا آپ بار بار موبائل استعمال کر رہے ہیں اب مت کیجیے گا۔
پیپلز پارٹی کی سعدیہ جاوید نے کہا گزشتہ اجلاس میں کے الیکٹرک حکام نے ایم پی اے کے بارے میں سخت جملے استعمال کیے۔
سعدیہ جاوید کا مزید کہنا تھا کہ انہیں اس عمل پر معافی مانگنے کا کہا جائے ورنہ اجلاس سے باہر نکالیں۔ جس پر مونس علوی نے ادارے کی طرف سے اراکین اسمبلی سے معذرت کی۔
