کراچی: ایئربس ماہرین کا ہیلی کاپٹر کے ذریعے جائے حادثہ کا معائنہ

ایئربس کمپنی کے ماہرین نے ہیلی کاپٹر کے ذریعے کراچی میں قومی ایئرلائن پی آئی اے کا طیارہ گرنے کی جگہ کا معائنہ کیا۔

ذرائع کا کہنا ہے کہ ایئربس کمپنی کے ماہرین نےہیلی کاپٹر کے ذریعے فضا سے ہائی ریزولیشن کیمروں کی مددسے حادثے کی جگہ کی عکاسی کی۔ ہیلی کاپٹر کے ذریعے تحقیقاتی ٹیم نے رن وے 25 ایل کا بھی فضائی جائزہ لیا۔

ذرائع کے مطابق بدقسمت طیارے نے لینڈنگ کی پہلی کوشش رن وے 25 ایل پر کی تھی۔ ٹیک آف پوائنٹ سے لینڈنگ پوائنٹ کے درمیان ہیلی کاپٹر کی سیدھی پرواز اُڑائی گئی۔

کراچی، حادثے کا شکار طیارے کا کاک پٹ وائس ریکارڈر مل گیا

کراچی میں حادثے کا شکار پی آئی اے کے طیارے کا کاک پٹ وائس ریکارڈر مل گیا ،ترجمان پی آئی اے کے مطابق کاک پٹ وائس ریکارڈر طیارہ حادثہ تفتیشی بورڈ کے حوالے کر دیا گیا ہے، وائس ریکارڈر سے تحقیقاتی عمل میں بہت مدد ملے گی۔

ایئرپورٹ فنل ایریا میں گوراونڈ چکر لگائے گئے ، ہیلی کاپٹر کے ذریعے عکس بند کیے گئے مناظر کی ویڈیوایئربس ہیڈ کوارٹر فرانس بھیجی جائے گی۔

ذرائع کا کہنا ہے کہ ویڈیوز کی عکس بندی فرانس میں موجود ماہرین کے تیز ترین تحقیقات میں معاون ثابت ہوگی۔

واضح رہے کہ گزشتہ روز ملبےکےنیچےدباہواکاک پٹ وائس ریکارڈربھی مل گیا، وائس ریکارڈرایئرکرافٹ ایکسیڈنٹ انویسٹی گیشن بورڈکےحوالے کردیا گیا ہے۔