آپ آف لائن ہیں
جمعرات17؍ذیقعد 1441ھ9؍جولائی2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاکستان تحریک انصاف کے رہنما اور معروف گلوکار ابرارالحق کو بھی عالمی وبا کورونا کا خدشہ لاحق ہوگیا۔

سماجی رابطے کی ویب سائٹ ٹوئٹر پر گلوکار نے بتایا کہ انہیں گزشتہ رات سے خشک کھانسی اور بخار کی شکایت ہے، لیکن وہ اُمید کرتے ہیں کہ یہ کورونا نہ ہو۔

انہوں نے گزشتہ دنوں ملنے والے گورنر پنجاب سمیت دیگر لوگوں کو اپنی طبیعت سے آگاہ کرتے ہوئے کورونا سے بچاؤ کی احتیاطی تدابیر اختیار کرنے کی اپیل بھی کی۔

ابرار الحق کے مداحوں اور سوشل میڈیا صارفین کی جانب سے گلوکار کے لیے نیک خواہشات کا اظہار کرتے ہوئے ان کی جلد صحت یابی کے لیے بڑی تعداد میں دعائیہ پیغامات شیئر کئے جارہے ہیں۔

واضح رہے کہ گزشتہ روز پاکستان تحریک انصاف کے رہنما اور وزیر مملکت شہریار آفریدی بھی عالمی وبا کورونا میں مبتلا ہوگئے تھے جس کے بعد  انہوں نے خود کو گھر میں قرنطینہ کر لیا ہے۔

انٹرٹینمنٹ سے مزید