آپ آف لائن ہیں
جمعہ18؍ذیقعد 1441ھ 10؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عزاداری کومحدود نہیں کرنے دینگے،مجلس وحدت مسلمین

لاہور(وقائع نگار خصوصی)سیکرٹری جنرل مجلسِ وحدت مسلمین پنجاب علامہ عبد الخالق اسدی نے کہا ہے کہ صوبے میں عزاداری کو محدود نہیں کرنے دینگے۔ وفاق اور صوبائی حکومت کی ایس او پیز کی پابندی کا اطلاق عوام کیساتھ ساتھ انتظامیہ پر بھی ہے۔ ان خیالات کا اظہار انہوں نے صوبائی سیکرٹریٹ میں پریس کانفرنس میں کیا۔ اس موقع پر مجلس وحدت مسلمین کے دیگر رہنما بھی موجود تھے۔ علامہ عبدالخالق اسدی نے کہا کہ محرم الحرام سے قبل پنجاب کی سطح پر بھرپور عزاداری کانفرنس کا انعقاد کرینگے ۔ انہوں نے کہاکہ کورونا کے متاثرین کا کوئی پرسان حال نہیں۔ عوام کو ریلیف دینے کے بجائے حکومت مشکلات میں اضافے کا سبب بن رہی ہے۔ کورونا اور ٹڈی دل کے حملوں کے سبب پنجاب میں تباہی کا سماں ہے حکومت زبانی جمع خرچ کے علاوہ عملی اقدامات کرے۔پنجاب بھر کے کسانوں کو فوری ریلیف کے حکومتی اعلانات کا نہ ہونا افسوسناک ہے ۔ ہم پیرامیڈیکل اور ڈاکٹرز کو سلام پیش کرتے ہیں جو کرونا وائرس کیخلاف فرنٹ لائن جہاد میں مصروف ہیں۔
لاہور سے مزید