آپ آف لائن ہیں
اتوار20؍ذیقعد 1441ھ 12؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

امام خمینی نے مسلمانوں کی صحیح خطوط پر رہنمائی کی، علامہ ناظر عباس

کراچی (اسٹاف رپورٹر) شیعہ علماء کونسل سندھ کے صدر علامہ سید ناظر عباس تقوی نے بانی انقلاب اسلامی حضرت امام خمینی کی 29 ویں برسی کے موقع پرجاری بیان میں کہا ہے کہ امام خمینی اس صدی کے عظیم مفکر اور اسلامی معاشرے کی علمی و انقلابی شخصیت ہیں جنہوں نے علم و شعور اور عمل وکردار کے ذریعے مسلمانوں کی صحیح خطوط پر رہنمائی کی ۔ امام خمینی دنیائے اسلام کی ایسی معتبر شخصیت ہیں جو علمی اور تحقیقی میدان میں سرکردہ حیثیت کی حامل ہے اور ان کی شخصیت سیاسی و عملی میدان میں بھی رہبری و رہنمائی کا عملی و مثالی نمونہ ہے۔حضرت امام خمینی نےعالمی استعماری سازشوں کو بے نقاب، مسلمانوں کو اپنے نظریات اور عمل کے ذریعے وحدت کی لڑی میں پرو یا۔ انقلاب اسلامی کی جدوجہد میں امام خمینی نے طویل جلاوطنی کے باوجود ایران کے عوام کی تربیت اور رہنمائی اس انداز میں کی کہ وہ پرامن اور شعوری تحریک کے ذریعے کامیاب ہوئے ۔امام خمینی اسلام پر جدید اور گہری تحقیق اور تازہ ریسرچ رکھنے والے دینی قائد، اسلامی نظریات کے مطابق حکومت اسلامی کی داغ بیل ڈالنے والے رہنماء تھے ۔امام خمینی کے دئیے ہوئے نظام مملکت اور معاشرت کے بعد عالمی سطح پر موجود اس پروپیگنڈے کا خاتمہ ہواکہ اسلام کے پاس مملکت چلانے یا عصر جدید کے تقاضوں کے مطابق کوئی نظام نہیں ہے۔

شہر قائد/ شہر کی آواز سے مزید