نامور موسیقار کمال احمد کی 27ویں برسی

پاکستان کے نامور موسیقار کمال احمد کو مداحوں سے بچھڑے  27 برس بیت گئے۔

کمال احمد 1937 کو اترپردیش میں پیدا ہوئے،فلم 'شہنشاہ جہانگیر کی موسیقی کی دھنیں ترتیب دے کر فلمی دنیا میں ایسے داخل ہوئے کہ پھر پیچھے مڑ کر نہیں دیکھا۔

کمال احمد نے لاجواب دھنیں بنائیں اور شہرت کی بلندیوں پر پہنچے، یوں ایک کے بعد ایک کامیاب دھن ان کے نام سے منسوب ہوتی رہی جبکہ چھ نگار ایوارڈ بھی حاصل اپنے نام کیے۔

 انہوں نےدیا اور طوفان کے بعد بہت سی دیگر فلموں میں موسیقی کا جادو جگایا جن میں رنگیلا، دل اور دنیا، تیرے میرے سپنے، دولت اور دنیا، راول، بشیرا، وعدہ، سلسلہ پیار دا، دلہن ایک رات کی، کندن، محبت اور مہنگائی، عشق عشق، مٹھی بھر چاول، عشق نچاوے گلی گلی، سنگرام، ان داتا اور متعدد فلمیں شامل ہیں۔

کمال احمد پاکستان فلم انڈسٹری کے مشہور موسیقاروں میں سے ایک تھے جن کی تیار کردہ دھنوں کو لوگوں میں بہت پسند کیا گیا اور ان کے گانوں سے کئی گلوکاروں نے شہرت حاصل کی۔

فلم نگری کے اس باصلاحیت موسیقار نے چھ جون 1993 کو جہانِ فانی سے کوچ کیا۔