فرمان الہی
نماز کے اوقات
امریکی شہری سنتھیا ڈی رچی کے خلاف مقدمہ اندراج کی درخواست خارج کردی گئی۔
پاکستان پیپلز پارٹی (پی پی پی) کے ایک کارکن نے سابق وزیراعظم شہید بےنظیر بھٹو کے خلاف ٹوئٹ کرنے پر امریکی بلاگر کے خلاف اندراج مقدمہ کی درخواست دی تھی۔
اسلام آباد کے ایڈیشنل سیشن جج عبدالغفور کاکڑ نے پیپلز پارٹی کے کارکن وقاص عباسی کی درخواست پر سماعت کی۔
درخواست گزار کے وکیل نے عدالت میں کہا کہ سنتھیا نے بےنظیر بھٹو کے خلاف نازیبا ٹوئٹس کیے، پولیس درخواست دینے کے باوجود مقدمہ درج نہیں کر رہی، عدالت احکامات جاری کرے۔
عدالت میں سنتھیا رچی کے وکیل عمران فیروز ملک نے کہا کہ ان کی موکلہ نے اپنے حق کے لیے آواز اٹھائی ہے، ایک ہی الزام پر مختلف ایف آئی آرز درج نہیں کی جا سکتیں۔
سیشن عدالت نے درخواست کو میرٹ کے بغیر قرار دیتے ہوئے خارج کردیا اور فیصلے میں لکھا کہ پولیس کے مطابق یہ کیس ایف آئی اے کا بنتا ہے اور ایف آئی اے پہلے ہی اس نوعیت کے ایک معاملے کی انکوائری کر رہی ہے۔
