آپ آف لائن ہیں
پیر14؍ ربیع الثانی1442ھ 30؍ نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

PSX حملہ: دہشتگردوں کو ہلاک کرنے والے رفیق سومرو کے گھر جشن کا سماں


پاکستان اسٹاک ایکسچینج پر دہشت گردوں کے حملے کو ناکام بنانے اور دہشت گردوں کا صفایا کرنے والے اہلکاروں میں شامل رفیق سومرو کے گھر پر جش کا سماں ہے۔

ریپڈ ریسپانس فورس کے اہلکار رفیق سومرو کا تعلق سندھ کے پسماندہ علاقے عمر کوٹ سے ہے۔

رفیق سومرو کے والد اور بھائی آنے والے مہمانوں سے مبارکبادیں وصول کر رہے ہیں۔

ان کا کہنا ہے کہ قوم کی خدمت کرکے رفیق سومرو نے ان کا سر فخر سے بلند کردیا ہے۔

گھر پر آنے والے مہمانوں کی مٹھائی سے تواضح بھی کی جارہی ہے جبکہ اہل خانہ خوشی اور فخر سے نہال ہیں۔

رفیق سومرو کے بھائی کہتے ہیں کہ رفیق سومرو کو بچپن سے فورس میں شمولیت کا شوق تھا۔

وطن کی مٹی اور اس کے شہریوں کے تحفظ کی قسم کھانے والے بہادر اہلکاروں نے ایک بار پھر اپنی شاندار روایات کی پاسداری کرتے ہوئے بہادری اور کامیابی کی داستان رقم کی ہے۔

قومی خبریں سے مزید