فرمان الہی
نماز کے اوقات
پاکستان پیپلز پارٹی کے چیئرمین بلاول بھٹو زرداری نے نیب کے ہاتھوں میر شکیل الرحمٰن کی غیرقانونی گرفتاری کی مذمت کرتے ہوئے کہا کہ میر شکیل الرحمٰن اس لیے قید ہیں کہ وزیراعظم کو ان کی شکل پسند نہیں ہے۔
بلاول بھٹونے کہا کہ جیو اور جنگ کے ایڈیٹرانچیف میر شکیل الرحمٰن آج تک قید میں ہیں۔
انہوں نے کہا کہ آمرانہ سوچ کے حامل وزیراعظم صرف مخالفین کو سیاسی انتقام کا نشانہ بنارہے ہیں۔
واضح رہے کہ پاکستان کے سب سے بڑے میڈیا گروپ جنگ اور جیو کے ایڈیٹر انچیف میر شکیل الرحمٰن کو نیب نے 109 روز سے 34 سال پرانے مقدمے میں گرفتار کیا ہوا ہے۔
میر شکیل الرحمٰن کی رہائی کے لیے ملک کی تمام چھوٹی بڑی سیاسی جماعتوں و دیگر تنظیموں کے لوگ سراپا احتجاج ہیں اور روزانہ کی بنیاد پر پورے ملک میں احتجاجی مظاہرے کیے جارہے ہیں۔
