آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وفاقی اداروں میں ملازمت کرنیوالوں کے جعلی ڈومیسائل منسوخ کرینگے: جام کمال

وفاقی اداروں میں ملازمت کرنیوالوں کے جعلی ڈومیسائل منسوخ کرینگے: جام کمال


وزیر اعلیٰ بلوچستان جام کمال خان کا کہنا ہے کہ بلوچستان کےکوٹہ پر وفاقی اداروں میں ملازمت کرنے والوں کے جعلی ڈومیسائل منسوخ کریں گے۔

وزیر اعلیٰ بلوچستان نے اپنے ایک بیان میں کہا کہ حکومت کاجعلی ڈومیسائل کی منسوخی کافیصلہ اپنی نوعیت کا پہلا اقدام ہے، پہلے کسی بھی حکومت نے جعلی ڈومیسائل کے مسئلے کو سنجیدگی سے نہیں لیا۔

جام کمال خان نے کہا کہ تمام ڈپٹی کمشنروں کو جاری ڈومیسائل کی اسکروٹنی کی ہدایت جاری کی گئی ہے، ڈپٹی کمشنرمستونگ نے400 جعلی ڈومیسائل منسوخ کئے ہیں۔

یہ بھی پڑھیے: جعلی لوکل ڈومیسائل پر تعیناتیاں قابل مذمت ہے، بلوچستان بار کونسل

واضح رہے کہ بلوچستان بار کونسل نے وفاقی محکموں میں بلوچستان کے کوٹے پر ہزاروں کی تعداد میں جعلی لوکل ڈومیسائل کے ذریعے تعیناتیوں پر افسوس کا اظہار کیا تھا۔

بلوچستان بار کونسل نے اپنے ایک بیان میں کہا تھا کہ وفاق نے ہمیشہ بلوچستان کے ساتھ سوتیلے پن کا مظاہرہ کیا ہے بلوچستان کے ساحل و وسائل پر وفاق کا کنٹرول ہے جس سے بلوچستان کے عوام میں احساس محرومی پایا جا تا ہے۔

بیان میں یہ بھی کہا گیا تھا کہ وفاقی محکموں میں بلوچستان کے کوٹے پر اس وقت ہزاروں کی تعداد میں جعلی لوکل ڈومیسائل ہولڈرز کو بلوچستان کے کوٹے پر تعنات کیا گیا اور یہ سب کچھ جان بوجھ کر کیا جا رہا ہے۔

قومی خبریں سے مزید