آپ آف لائن ہیں
منگل13؍ذی الحج 1441ھ 4؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پی ٹی ڈی سی بند نہیں ہوا، تشکیل نو کررہے ہیں، ذلفی بخاری


وزیراعظم عمران خان کے معاون خصوصی برائے سمندر پار پاکستانی ذوالفقار( ذلفی) بخاری نے کہا ہے کہ پاکستان ٹورازم ڈیولپمنٹ کارپوریشن  (پی  ٹی ڈی سی ) بند نہیں ہوا، ادارے کی تشکیل نو کی جارہی ہے۔

اسلام آباد میں نیوز بریفنگ کے دوران ذلفی بخاری نے کہاکہ لوگوں کوغلط فہمی ہے کہ کورونا وائرس کی وجہ سے پی ٹی ڈی سی ملازمین کو فارغ کیا گیا۔

انہوں نے کہاکہ کابینہ کے 2019 ء کے فیصلے پر پی ٹی ڈی سی ملازمین کو فارغ کیا ، 400 ملازمین کے پیچھے ہزاروں لوگوں کا روزگار داؤ پر نہیں لگا سکتے۔

وزیراعظم کے معاون خصوصی نے تردید کرتے ہوئے کہا کہ پی ٹی ڈی سی بند نہیں ہوا، حکومت اس کو ریفارم کررہی ہے ،تشکیل نوکے ذریعے اسے مزید بڑا ادارہ بنانے جارہے ہیں۔

ان کا کہنا تھاکہ 2 سال میں 46 پراپرٹیز ،تھری اور فور اسٹار ہوٹلوں میں بدل دیں گے ۔

قومی خبریں سے مزید