کراچی: 24 گھنٹوں کے دوران ہونے والی بارش کا ریکارڈ

محکمہ موسمیات کی جانب سے کراچی میں 24 گھنٹوں کے دوران ہونے والی بارش کا ریکارڈ بتایا گیا ہے، سرجانی ٹاون میں سب سے زیادہ بارش 2.4 ملی میٹر ریکارڈ کی گئی۔

محکمہ موسمیات کے مطابق ائیرپورٹ اولڈ ایریا 2، پی اے ایف فیصل بیس پر ایک ملی میٹر بارش ریکارڈ کی گئی، نارتھ کراچی میں 0.6 جبکہ صدر میں بھی ایک ملی میٹر بارش ریکارڈ کی گئی ہے۔

سندھ کے مختلف شہروں میں بارش

سکھر، خیرپور، جیکب آباد، شکار پور اور مضافاتی علاقوں میں تیز بارش کے بعد موسم خوشگوار ہوگیا اور نشیبی علاقے زیر آب آگئے

کراچی کے مختلف علاقوں میں کہیں بوندا باندی اور کہیں ہلکی بارش سے موسم خوشگوار ہوگیا ہے، ملیر اور ماڈل کالونی میں بارش کا سلسلہ وقفے وقفے سے جاری ہے۔

گلستان جوہر، کارساز، لیاقت آباد، لیاری اور صدر سمیت دیگر علاقوں میں بھی بوندا باندی ہورہی ہے۔

کراچی میں آج ہلکی بارش کا امکان

کراچی میں آئندہ 24 گھنٹوں کے دوران مطلع ابر آلود رہنے، صبح اور رات میں بوندا باندی یا ہلکی بارش کا امکان ہے۔

دوسری جانب ٹریفک پولیس کا کہنا ہے کہ بارش اور بوندا باندی کے بعد شاہراہوں پر پھسلن ہے، موٹر سائیکل سوار حادثے سے بچنے کے لیے احتیاط کریں۔

ٹریفک پولیس نے کہا کہ گاڑی والے حضرات اپنی لائن میں رہ کر سفر کو یقینی بنائیں۔

کراچی میں سمندری ہوائیں چل پڑیں، گرمی کا زور ٹوٹ گیا

محکمہ موسمیات کا کہنا ہے کہ آئندہ ہفتے تک مطلع ابر آلود اور دن اور رات میں بوندا باندی کا سلسلہ جاری رہے گا۔

اس کے علاوہ کارساز ،صدر پارکنگ پلازہ،حسن اسکوائر اور راشد منہاس روڈ پر ٹریفک کا دباؤ ہے، عملہ ٹریفک کی روانی بہتر بنانے کے لیے سڑکوں پر موجود ہے۔