آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وٹفورڈ میں مساجد کھلنے پرکمیونٹی کا اظہار مسرت

وٹفورڈ(نمائندہ جنگ)وٹفورڈ کی دو بڑی مساجد نمازیوں کے لیے کھول دی گئی ہیں ۔ نماز جمعہ میں عوام نے کثیر تعداد میں شرکت کی ۔ کمیونٹی نے مساجد کھلنے پر انتہائی خوشی کا اظہار کیا، نمازی احتیاطی تدابیر کے تحت گھروں سے جائے نماز ساتھ لائے اور نماز ادا کی۔ مساجد انتظامیہ نے کورونا وائرس کے حوالے سے سوشل فاصلہ برقرار رکھنے ، فیس ماسک پہننے ،مساجد کی صفائی ، مساجد سے نماز جمعہ کے بعد ان اور آوٹ کے لیے بہترین اور موثر انتظامات کر رکھے تھے ۔ اب نمازی حضرات لاک ڈاؤن میں نرمی کے باعث مساجد میں پانچوں وقت نماز باجماعت پڑھنے کے لیے مسجد آ سکتے ہیں ۔ نماز جمعہ کے موقع پر امام مسجد قاری حبیب نے وٹفورڈ سمیت دیگر ٹاون میں کورونا وائرس بیماری کے باعث وفات پانے والوں کے لیے دعائے مغفرت کی اور کورونا وائرس کے خاتمے کے لیے خصوصی دعا بھی کی کہ اللہ تعالیٰ اس ہلاکت خیز بیماری سے امت مسلمہ سمیت تمام عالم انسانیت کو محفوظ رکھے۔

یورپ سے سے مزید