آپ آف لائن ہیں
جمعرات13؍ صفر المظفّر 1442ھ یکم اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سویڈن میں لاپتابلوچ صحافی کی موت کی تحقیقات ختم، قتل کا امکان خارج

اسٹاک ہوم (جنگ نیوز )سویڈن میں استغاثہ حکام نے پاکستانی صحافی ساجد بلوچ کی موت کی تفتیش میں کسی جرم کے امکان کو رد کرتے ہوئے کیس کی تحقیقات کو ختم کرنے کا اعلان کیا ہے بلوچستان ٹا ئمز کے صحافی ساجد بلوچ کے اہلخانہ نے تحقیقات کو روک دیے جانے پر کوئی ردعمل ظاہر نہیں کیا۔ جرمن میڈیا کے مطابق ساجد کے بھائی واجد بلوچ نے بتایا کہ ابھی تک ان کی فیملی کو ساجد کی لاش نہیں ملی ہے اور فی الحال وہ اس کیس کے بارے میں مزید بات نہیں کر سکتے۔گمشدگی سے پہلے ساجد بلوچ کا آخری رابطہ قریبی دوست اور روم میٹ تاج بلوچ کے ساتھ ہوا تھا، جن کے ساتھ ساجد کی اپسالہ جانے سے پہلے ملاقات ہوئی۔ تاج بلوچ نے سویڈش پولیس کی تحقیقات کو ناقص قرار دیتے ہوئے کہا ہےکہ پولیس نے اس کیس میں غیر معمولی سستی کا مظاہرہ کیا۔ دو مارچ کو ساجد کے لاپتہ ہونے سے تقریباً ایک ماہ تک ساجد کی فیملی اور دوستوں نے پولیس سے کئی بار اس کی بازیابی کے لیے رابطہ کیا مگر پولیس نے ساجد کی گمشدگی کا سراغ لگانے میں دلچسپی نہیں لی۔

دنیا بھر سے سے مزید