آپ آف لائن ہیں
اتوار2؍صفر المظفّر 1442ھ 20؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

5 اگست انسانی تاریخ کا تاریک دن ہے، صادق سنجرانی

چیئرمین سینیٹ صادق سنجرانی کا یوم استحصال سے متعلق کہنا ہے کہ 5 اگست انسانی تاریخ کا تاریک دن ہے۔

یہ بھی دیکھیے: یوم استحصال کشمیر پر ملک بھر میں ریلیاں 


صادق سنجرانی نے یوم استحصال کشمیر 5 اگست سے متعلق اپنے پیغام میں کہا ہے کہ مقبوضہ کشمیرمیں مودی سرکار نے انسانی حقوق کی پامالی کی نئی مثال قائم کی، مودی سرکار نے لاک ڈاؤن کر کے مقبوضہ وادی کوجیل میں تبدیل کر دیا، انسانی تاریخ میں ایسی بدترین مثال کہیں نہیں ملتی۔

صادق سنجرانی نے کہا ہے کہ مظالم پر عالمی اداروں نے بھی سوالات اٹھائے، بھارت عالمی سطح پر تنہا ہو گیا ہے، بھارتی حکومت کے اقدامات سے خطے کے امن کے توازن کو شدید دھچکا لگا ہے ۔

انہوں نے مزید کہا کہ علاقائی ترقی و خوشحالی کی راہ میں رکاوٹیں کھڑی کرنے کی کوشش کی گئی، پا کستان مسئلہ کشمیرکا پُر امن حل چاہتا ہےاور امن کی اہمیت کوسمجھتا ہے۔

چیرمین سینیٹ صادق سنجرانی کا کہنا تھا کہ تمام مسائل کاحل ڈائیلاگ ہے، جنگ کسی مسئلےکاحل نہیں، عالمی تاریخ گواہ ہے بین الریاستی مسائل مذاکرات سے ہی حل ہوئے ہیں۔

صادق سنجرانی نے کہا ہے کہ پائیدار امن اسی طریقے سے ہی حاصل کیا جا سکتا ہے ۔

قومی خبریں سے مزید