لاہور ہائیکورٹ نے وزیراعظم عمران خان کے 16 خصوصی مشیروں کی تقرری کے خلاف درخواست سماعت کے لیے مقرر کردی، چیف جسٹس قاسم خان 10 اگست کو سماعت کریں گے۔
لاہورہائیکورٹ میں دائردرخواست میں وزیراعظم ، وزارت قانون ، ڈاکٹر عبدالحفیظ شیخ، شہزاد اکبر، ڈاکٹر ظفر مرزا سمیت دیگر کو فریق بنایا گیا ہے۔
درخواست میں موقف اختیار کیاگیا ہے کہ آئین کے تحت وزیر اعظم کی سفارش پر صرف رکن اسمبلی ہی وفاقی وزیر بن سکتا ہے ۔
عدالت سے استدعا کی گئی کہ منتخب اراکین کو وفاقی وزراء بنانے کاحکم دیا جائے ، حتمی فیصلے تک وزیراعظم اور غیر منتخب مشیروں کو کام سے روکا جائے۔