فرمان الہی
نماز کے اوقات
وزیر اعظم کی معاون خصوصی ثانیہ نشتر کا کہنا ہے کہ احساس نشونما کے بعد احساس تعلیم کا آغاز کیا جائے گا۔
اسلام آباد میں پریس کانفرس کرتے ہوئے ثانیہ نشترکا کہنا تھا کہ ملک کے 9 ڈسٹرکٹ میں 33 سینٹر میں احساس نشونما کا آغاز کیا گیا ہے۔
انہوں نے کہا کہ اگست میں تمام سینٹر کھل جائیں گے، ابھی 8 سینٹر کام کررہے ہیں۔
ثانیہ نشتر نے کہا کہ ایک گھرانے میں دو بچوں کو سپورٹ کیا جائے گا، جبکہ ماؤں کو لڑکا ہونے پر 1500 اور لڑکی پر 2000 روپے فی سہ ماہی ملیں گے۔
معاون خصوصی نے کہا کہ 15ماہ تک خواتین اس پروگرام سے مستفید ہوں گی، تمام صوبائی حکومتوں سے یادداشت پر دستخط ہوچکے ہیں۔
انہوں نے کہا کہ کل احساس پروگرام کا خیبر پختوںخوا میں نیا پروگرام شروع ہورہا ہے، جو ذائی قلت سے متعلق ہے۔
ثانیہ نشتر نے کہا کہ وزیراعظم نے پہلی تقریر میں غذائی قلت کا شکار بچوں کا ذکر کیا تھا، پی ٹی آئی پہلی حکومت ہے جس نے غذائی قلت سے متعلق اقدامات کیے۔
انہوں نے مزید کہا کہ قبائلی علاقوں میں غذائی قلت کی شرح باقی شہروں سے زیادہ ہے، جہاں 48 فیصد بچے غذائی قلت کا شکار ہیں۔
