آپ آف لائن ہیں
جمعہ12؍ربیع الاوّل 1442ھ 30؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

روس کا کوورنا ویکسین کی پہلی کھیپ تیار کرنے کا اعلان

روسی وزارت صحت نے ملک میں بنائی گئی کوورنا ویکسین کی پہلی کھیپ بنا لینے کا اعلان کر دیا، روس کے بعض ماہرین نے کورونا ویکسین اتنی جلدی مارکیٹ میں لانے پر تحفظات کا اظہار کیا ہے۔

روس میں تیار کی گئی کورونا ویکسین کے تین آزمائشی مراحل میں تسلی بخش نتائج سامنے آئے تھے اور روس نے رواں ماہ کے آخر تک کورونا ویکسین مارکیٹ میں لانے کا کہا تھا۔

روسی صدر پیوٹن نے کورونا ویکسین بنانے کا دعویٰ کرتے ہوئے عوام کو اس ویکسین کے محفوظ ہونے کا یقین دلایا تھا۔

روسی صدر کا کہنا تھا کہ کورونا ویکسین خود ان کی بیٹی نے بطور رضاکار استعمال کی اور اس کے اچھے اثرات محسوس کیے۔

ویکسین بنانے والے ادارے نے ہر ماہ پچاس لاکھ خوراکیں بنانے کا کہا ہے۔