فرمان الہی
نماز کے اوقات
اسلام آباد (خبر نگار) سپریم کورٹ میں آج سے شروع ہونیوالے عدالتی ہفتے میں مقدمات کی سماعت کیلئے کاز لسٹ اور ججز کا روسٹر جاری کر دیا گیا ہے۔ چیف جسٹس گلزار احمد سپریم کورٹ لاہور رجسٹری میں مقدمات کی سماعت کرینگے۔ لاہور رجسٹری میں چیف جسٹس گلزار احمد ، جسٹس اعجازالاحسن اور جسٹس امین الدین خان پر مشتمل تین رکنی بنچ مقدمات کی سماعت کریگاجبکہ پرنسپل سیٹ اسلام آباد میں دو بنچ مقدمات کی سماعت کرینگے۔ بنچ نمبر 1 جسٹس مشیر عالم ، جسٹس قاضی امین اور جسٹس مظاہر علی نقوی پر مشتمل ہے جبکہ بنچ دو جسٹس قاضی فائز عیسیٰ اور جسٹس سردار طارق مسعود پر مشتمل ہو گا ۔ جسٹس فیصل عرب اور جسٹس سجاد علی شاہ پر مشتمل دو رکنی بنچ کراچی رجسٹری میں مقدمات کی سماعت کریگا۔
