آپ آف لائن ہیں
اتوار9؍صفر المظفّر 1442ھ 27؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

میر شکیل الرحمٰن کی گرفتاری کیخلاف مختلف شہروں میں احتجاج


ایڈیٹر انچیف جنگ جیو گروپ میر شکیل الرحمٰن کی گرفتاری کے خلاف ملک کے مختلف شہروں میں احتجاج کا سلسلہ جاری ہے، مظاہرین نے میر شکیل الرحمٰن کی بلاجواز گرفتاری کی مذمت کی۔

لاہور میں ڈیوس روڈ پر جاری احتجاجی کیمپ میں سینیئر صحافیوں ظہیر انجم، فاروق اعوان، عبدالوہاب، عزیز شیخ، منور حسین، محمد علی، رومیو جالب اور محمد واجد نے شرکت کی۔

مقررین نےکا کہنا تھا کہ میر شکیل الرحمٰن کی رہائی تک احتجاج جاری رہے گا۔

پشارو میں احتجاجی مظاہرہ جنگ، جیو اور دی نیوز کے دفاتر کے باہر کیا گیا، مظاہرین نے نے میر شکیل الرحمٰن کی فوری رہائی کا مطالبہ کیا۔

میر شکیل الرحمٰن کی رہائی کےلئے کوئٹہ جنگ بلڈنگ کےباہر احتجاجی مظاہرہ کیا گیا، مظاہرے میں جنگ اور جیو کے کارکنوں نے شرکت کی۔

بہاولپور میں مسلم لیگ ن کے عہدیداروں کا مذمتی اجلاس ہوا، جس میں رکن قومی اسمبلی چوہدری نور الحسن، ایم پی اے کاظم علی پیرزادہ، خالد محمود اور ایم پی اے ملک ظہیر چنڑ اور دیگر ن لیگی رہنما شریک ہوئے، اجلاس کے شرکاء نے میر شکیل الرحمٰن کی فوری رہائی کا مطالبہ کیا۔

نوابشاہ میں بھی میر شکیل الرحمٰن کی گرفتاری کے خلاف احتجاج کیا گیا۔

قومی خبریں سے مزید