شیخوپورہ پولیس نے ملزم وقار الحسن کا کریمنل ریکارڈ ہونے کی تردید کردی

شیخو پورہ پولیس نے موٹر وے زیادتی کیس کے گرفتار ملزم وقار الحسن کا کریمنل ریکارڈ ہونے کی تردید کردی ۔

پولیس کا کہنا ہے کہ موٹروے اجتماعی زیادتی کے دوسرے ملزم وقار کا کوئی کریمنل ریکارڈ نہیں ہے، اس کے نام پر موبائل فون کی سم اس کا برادر نسبتی عباس استعمال کرتا تھا۔

موٹروے زیادتی کیس: ملزم عابد کا باپ اور دوسرا بھائی بھی زیرِحراست

پولیس کا کہنا ہے کہ ملزم عابد کےباپ اکبر اور بھائی قاسم کو مانگا منڈی سے حراست میں لیا گیا ہے، قاسم ٹھوکر چوک میں پھلوں کی ریڑھی لگاتا ہے اور مانگا منڈی علی ٹاؤن کا رہائشی ہے۔

شیخوپورہ پولیس ترجمان کے مطابق زیادتی کیس کے دوسرے ملزم وقار الحسن کےخلاف کبھی کوئی مقدمہ درج نہیں ہوا  تاہم اس کی باپ، بھائی اور اس کے خلاف جھگڑے اور چوری کا مقدمہ درج ہوا تھا جو بعد میں صلح ہونے پر خارج ہوگیا۔

دوسری طرف ملزم وقارالحسن کے برادر نسبتی عباس کی گرفتاری کے لیے پولیس کےچھاپے جاری ہیں، عباس کے دو بھائیوں بوٹا اور سلامت کو حراست میں لے لیا گیا ہے۔