پاکستان میں کورونا سے مزید 6 اموات، 404 نئے کیسز رپورٹ

کراچی (اسٹاف رپورٹر، ٹی وی رپورٹ) پاکستان میں مہلک وائرس کورونا سے مزید 6 افراد جاں بحق ہوگئے جبکہ 404 نئے کیسز رپورٹ ہوئے۔ آج ہونے والی اموات میں 3؍ مریض سندھ میں جاں بحق ہوئے۔ 

منگل کو ہونے والی ہلاکتوں کے بعد وائرس ہونے والی ہلاکتوں کی مجموعی تعداد 6389؍ تک جا پہنچی۔ اب تک 290261؍ مریض صحت ہوچکے ہیں جبکہ ایکٹو مریضوں کی تعداد کم ہو کر 5774؍ رہ گئی ہے۔

پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 27277 ٹیسٹ کیے گئے جن میں 404 افراد میں کورونا وائرس کی تصدیق ہوئی جب کہ وائرس سے مزید 6 افراد انتقال کرگئے۔ 

پاکستان میں کورونا کے مریضوں کی کل تعداد 3 لاکھ 2424 ہوگئی ہے اور ہلاکتیں 6389 تک جا پہنچی ہیں۔ سرکاری پورٹل کے مطابق 24 گھنٹوں کے دوران ملک بھر میں 455 مریض کورونا سے صحتیاب بھی ہوئے ہیں۔ 

سرکاری پورٹل کے مطابق سندھ میں کورونا کے مریضوں کی مجموعی تعداد 132250 ہوگئی ہے جب کہ 2445 افراد اب تک انتقال کرچکے ہیں۔ پنجاب میں کورونا کے کل مریضوں کی تعداد 97817 ہے اور 2220 افراد وائرس میں مبتلا ہوکر جان سے جاچکے ہیں جب کہ بلوچستان میں مریضوں کی کل تعداد 13621 اور ہلاکتیں 145 ہوچکی ہیں۔ 

خیبرپختونخوا میں کورونا کے مریضوں کی تعداد 37079 اور 1257 ہلاکتیں ہوچکی ہیں جب کہ آزاد کشمیر میں 2426 افراد وائرس میں مبتلا ہوچکے ہیں اور 66 افراد انتقال کرگئے۔ اسکے علاوہ گلگت بلتستان میں اب تک کورونا کے مریضوں کی تعداد 3269 اور 78 افراد انتقال کرچکے ہیں۔