آپ آف لائن ہیں
جمعہ7؍صفر المظفّر 1442ھ 25؍ستمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وفاقی بیوروکریسی میں 11 افسران کے تقرر وتبادلے

اسلام آ باد ( نمائندہ جنگ) وفاقی بیورو کریسی کے متعدد افسران کے تقرر و تبادلے کئے گئے ہیں، اسٹیبلشمنٹ ڈویژن نے 11 افسران کے تبادلوں کے نوٹیفکیشن جاری کر د یئے ہیں ،اسٹیبلشمنٹ ڈویژن کی جانب سے جاری مختلف نوٹیفکیشنز کے مطابق سیکرٹریٹ گروپ گریڈ 20 کے او ایس ڈی اسٹیبلشمنٹ ڈویژن خیال زاد گُل کو جوائنٹ سیکرٹری موسمیاتی تبدیلی ڈویژن اور جوائنٹ سیکرٹری مذہبی امور ڈویژن طاہر احسان کو جوائنٹ سیکرٹری داخلہ ڈویژن تعینات کیا گیا ہے، ڈپٹی سیکرٹری انفارمیشن ٹیکنالوجی ڈویژن قطب الدین کو ڈپٹی سیکرٹری پٹرولیم ڈویژن، گریڈ 19 کے محمد ریاض کو ڈپٹی سیکرٹری نارکوٹکس کنٹرول ڈویژن اور اسٹیبلشمنٹ ڈویژن میں تقرری کے منتظر گریڈ 19 کے عبدالحامد بلوچ کو ڈپٹی سیکرٹری وزارتِ بین الصوبائی رابطہ تعینات کیا گیا ہے، گریڈ 19 کے ڈپٹی سیکرٹری داخلہ ڈویژن خیر محمد کو سول سرونٹس ایکٹ 1973 سیکشن 10 کے تحت جوائنٹ سیکرٹری پاور ڈویژن تعینات کر دیا گیا ہے جبکہ ڈپٹی سیکرٹری اقتصادی امور ڈویژن سلیم شہزاد کو ڈپٹی سیکرٹری نیشنل ہیلتھ سروسز

ڈویژن، حکمت اللہ خان مذہبی امور ڈویژن سے سیکشن افسر اسٹیبلشمنٹ ڈویژن تعینات کئے گئے ہیں ، او ایم جی گریڈ 17 کی صبیحہ پروین سیکشن افسر کامرس ڈویژن تعینات کر دی گئیں،دریں اثناء تقرری کی منتظر زینیاء ہمایوں سانک گریڈ 18 کی خدمات پنجاب حکومت اور گریڈ 17 کی ثانیہ صفی کی خدمات بلوچستان سے خیبرپختونخوا حکومت کے سپرد کر دی گئیں، دونوں خواتین افسران کا تعلق پاکستان ایڈمنسٹریٹو سروس سے ہے۔

اہم خبریں سے مزید