آپ آف لائن ہیں
بدھ10؍ربیع الاوّل 1442ھ28؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وفاق کی پرائمری اسکول 30 ستمبر سے کھولنے کی اجازت


وفاقی وزیر تعلیم شفقت محمود کا کہنا ہے کہ ابتدائی فیصلے کے مطابق پرائمری اسکولوں کو بھی 30 ستمبر سے تعلیمی سلسلہ شروع کرنے کی اجازت ہوگی، سندھ نے ایک ہفتہ مزید نظر ثانی کا فیصلہ کیا ہے۔

وفاقی وزیر تعلیم شفقت محمود نے کہا ہے کہ بہتر ہوتا اگر تمام صوبے ایک ہی وقت میں اسکول کھولنے کا فیصلہ کرتے۔

وزیراعظم کے معاون خصوصی برائے صحت ڈاکٹر فیصل سلطان کے ہمراہ پریس کانفرنس کرتے ہوئے شفقت محمود کا کہنا تھا کہ کئی اسکول اس لیے بند کیے گئے کیونکہ انہوں نے ایس او پیز پر عمل نہیں کیا تھا۔

شفقت محمود کا کہنا تھا کہ صوبوں کی مشاورت کے بعد اسکول کھولنے کا فیصلہ کیا گیا تھا، صوبہ سندھ نے نظر ثانی کے لیے مزید ایک ہفتہ مانگا ہے۔

شفقت محمود  کا کہنا تھا کہ اعداد و شمار سے ظاہر ہوتا ہے کہ کورونا کیسز میں خاطر خواہ اضافہ نہیں ہوا۔

اس موقع پر وزیراعظم کے معاون خصوصی برائے صحت ڈاکٹر فیصل سلطان نے وفاق کے اسکول کھولنے سے متعلق فیصلے کا دفاع کیا۔

ان کا کہنا تھا کہ ملک بھر میں اسکول کھلنے کے بعد گزشتہ ہفتے میں کورونا کیسز میں کوئی بڑی تبدیلی نہیں آئی۔

ڈاکٹر فیصل سلطان نے کہا کہ گزشتہ ہفتے کورونا کیسز کی شرح میں پہلے سے زیادہ اضافہ نہیں ہوا۔

وزیراعظم کے معاون خصوصی نے بتایا کہ کورونا کی صورتحال دیکھتے ہوئے فیصلہ کیا کہ کل سے چھٹی سے آٹھویں کلاسز کو کھولا جائے۔

ان کا کہنا تھا کہ والدین اور اساتذہ سے گزارش ہے کہ بچوں میں ماسک کے استعمال کو یقینی بنائیں۔

قومی خبریں سے مزید