ریویو لکھنے میں احتیاط کریں، ورنہ جیل ہوسکتی ہے

04 اکتوبر ، 2020

اسمارٹ فون موبائل ایپس یا پھر انٹرنیٹ کے ذریعے چیزیں یا پھر سرورس حاصل کرنے پر ردِ عمل میں ریویو لکھنے میں احتیاط کریں ورنہ آپ کو جیل ہوسکتی ہے۔

سروسز اور مصنوعات سے متعلق ریویو لکھنا ہم لوگوں کی عادت ہوتی ہے، ایسے میں چیز اچھی لگنے پر ہم اس کی تعریف کرتے ہیں جبکہ نہ پسند آنے پر اس کی برائیاں لکھ دیتے ہیں۔

ان ہی ریویوز کو پڑھنے کے بعد دوسرا شخص اس کے استعمال کرنے سے متعلق اپنا فیصلہ بھی آسانی سے کر سکتا ہے۔

تاہم تھائی لینڈ کے ایک ہوٹل سے متعلق ایک ریویو شاید سروس استعمال کرنے والے لیے وبال جان بن گیا۔

امریکی اخبار نیو یارک ٹائمز کی رپورٹ کے مطابق تھائی لینڈ میں مقیم ایک امریکی شہری نے ہوٹل سروسز استعمال کرکے اس سے متعلق منفی ریویو لکھ دیا۔

ہوٹل انتظامیہ کی جانب سے مذکورہ شخص پر ہوٹل میں بوتل لانے پر 15 ڈالر کا اضافی چارج لگادیا گیا تھا، تاہم بات چیت اور رضامندی کے بعد اس جرمانے کو ہٹادیا گیا تھا۔

اس کے باوجود اس شخص نے ہوٹل سے متعلق منفی ریویو پوسٹ کردیا جس کے باعث کمپیوٹر کرائم ایکٹ کے تحت اس شخص کو 7 سال تک کی قید اور تھائی لینڈ میں اپنی نوکری سے ہاتھ دھونا پڑ سکتا ہے۔

تازہ ترین