پیوٹن کا محمد بن سلمان سے رابطہ، عالمی منڈی میں تیل کی صورتحال پر گفتگو

روسی صدر ویلادیمیر پیوٹن کا سعودی ولی عہد محمد بن سلمان سے ٹیلی فونک رابطہ ہوا ہے جس میں تیل کی عالمی منڈی اور کورونا وبا کی صورتحال پر بات چیت ہوئی۔

کریملن سے جاری بیان کے مطابق دونوں رہنماؤں نے تیل کی عالمی مارکیٹ کی صورتحال کے ساتھ ساتھ اوپیک پلس معاہدوں پر عملدرآمد سے متعلق بات کی۔

دونوں رہنماؤں کے درمیان تیل کی پیداوار سے متعلق تعاون جاری رکھنے پر اتفاق ہوا۔

بیان کے مطابق گفتگو کے دوران دونوں رہنماؤں نے کورونا وبا کے خلاف اقدامات میں تعاون کرنے اور روسی ویکسین کے استعمال پر بھی بات چیت کی۔