آپ آف لائن ہیں
جمعہ18؍ربیع الثانی 1442ھ 4؍دسمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

لڑکی کو گرل فرینڈ کہنے پر شاہ رخ خان کی پٹائی ہوگئی

بالی وڈ کنگ شاہ رخ خان کی پٹائی نوجوانوں نے اُس وقت کی جب اداکار نے ایک لڑکی کو اپنی گرل فرینڈ کہا اور پھر شاہ رخ خان بڑی مشکل سے خود کو بچانے میں کامیاب ہوئے۔

بھارتی میڈیا کی ایک رپورٹ کے مطابق عالمی شہرت یافتہ بالی وڈ اسٹار شاہ رخ خان نے حال ہی میں بھارتی ٹی وی کے کپل شرما شو میں اس بات کا انکشاف کیا کہ ایک مرتبہ دہلی میں اُنہیں لڑکی کو اپنی گرل فرینڈ کہنے پر خوب مار کھانی پڑی تھی۔

شاہ رخ خان نے کپل شرما کے شو میں واقعے کی تفصیلات بتاتے ہوئے کہا کہ ’یہ بہت پُرانی بات ہے کہ میں ایک لڑکی کےساتھ ریسٹورنٹ میں موجود تھا تو مجھ سے کچھ لڑکوں نے اُس لڑکی کے بارے میں پوچھا جس پر میں نے کہا یہ میری گرل فرینڈ ہے۔‘

بالی وڈ کنگ نے کہا کہ ’جب میں نے لڑکوں سے کہا کہ یہ میری گرل فرینڈ ہے تو اُنہوں نے مجھے بہت مارا اور مجھ سے کہا کہ اس لڑکی کو گرل فرینڈ نہیں بلکہ بھابھی کہو۔‘

اداکار نے قہقہے لگاتے ہوئے بتایا کہ ’وہ نوجوان لڑکے مجھے مارتے رہے اور کہتے رہے کہ بولو یہ لڑکی تم سب کی بھابھی ہے۔‘

شاہ رخ نے کہا کہ ’اُس واقعے کے بعد سے میں جب بھی اپنی اہلیہ گوری کے ساتھ دہلی میں کہیں باہر جاتا ہوں تو اگر کوئی مجھ سے گوری کے بارے میں پوچھتا ہے تو میں کہتا ہوں کہ یہ آپ کی بھابھی ہیں۔‘

واضح رہے کہ میڈیا رپورٹس کے مطابق شاہ رخ خان اور گوری کو ایک نہیں بلکہ تین مرتبہ شادی کرنی پڑی۔ 

دونوں نے پہلے کورٹ میرج کی، اس کے بعد 26 اگست 1991 کو دونوں کا نکاح ہوا اور پھر 25 اکتوبر 1991 کو دونوں کی ہندو رسم ورواج کے مطابق شادی ہوئی۔

انٹرٹینمنٹ سے مزید