امیتابھ بچن اور کترینہ کی یادگار تصویر مقبول

بھارتی فلم انڈسٹری کے بِگ بی امیتابھ بچن اور بالی وڈ اسٹار کترینہ کیف کی ماضی کی یادگار تصویر کے سوشل میڈیا پر چرچے شروع ہوگئے ہیں۔

سماجی رابطے کی ویب سائٹ انسٹاگرام پر امیتابھ بچن نے بالی وڈ اداکارہ کترینہ کیف کے ہمراہ ماضی کے ایک یادگار فوٹو شوٹ کی تصویر پوسٹ کی ہے جس میں کترینہ کیف عروسی لباس میں ملبوس ہیں جبکہ امیتابھ بچن بھی شیروانی میں دلکش لگ رہے ہیں۔

امیتابھ بچن نے ہندی میں اپنی پوسٹ کا کیپشن لکھا کہ ’اچانک ہمیں ماضی کی یہ تصویر مل گئی۔‘

بھارتی اداکار نے لکھا کہ ’یہ تصویر ہم نے خود سے نہیں تلاش کی بلکہ صفحہ پلٹتے وقت یہ تصویر مل گئی۔‘

اُنہوں نے لکھا کہ ’زیور میں کترینہ جی خوبصورت لگ رہی ہیں جبکہ ان کے ساتھ کُرسی پر بیٹھے شخص ہم یعنی میں ہوں۔‘

کونسے 6 افراد ہمیشہ دُکھی رہیں گے؟ امیتابھ بچن نے بتا دیا

کورونا وائرس کا شکار ہونے والے اسپتال میں زیرِ علاج بھارتی فلم انڈسٹری کے ورسٹائل اداکار امیتابھ بچن نے سوشل میڈیا پر ایک اہم پیغام جاری کیا ہے۔

امیتابھ بچن اور کترینہ کیف کی تصویر سوشل میڈیا صارفین اس قدر پسند کررہے ہیں کہ صرف 13 گھنٹے میں اداکار کی پوسٹ پر 8 لاکھ 74 ہزار سے زائد لائکس آچکے ہیں جبکہ صارفین کی جانب سے تبصروں کا سلسلہ بھی جاری ہے۔

امیتابھ بچن اپنے مداحوں کے شُکر گُزار

کورونا وائرس کا شکار ہونے والے بھارتی فلم انڈسٹری کے ورسٹائل اداکار امیتابھ بچن نے اُن تمام لوگوں کا شکریہ ادا کیا ہے جو بچن خاندان کی جلد صحتیابی کے لیے دُعاگو ہیں۔

یاد رہے کہ کترینہ کیف کو آخری بار علی عباس ظفر کی  2019 میں بننے والی فلم ’بھارت‘ میں دیکھا گیا تھا اور اس فلم میں اُنہوں نے اداکار سلمان خان کے ہمراہ مرکزی کردار ادا کیا تھا۔