• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چند ہفتوں میں مہنگائی پر قابو پالیا جائے گا، فواد چوہدری

تازہ ترین
قومی خبریں
26 اکتوبر ، 2020


وفاقی وزیر سائنس اینڈ ٹیکنالوجی فواد چوہدری نے کہا ہے کہ ملک میں چند ہفتوں کے اندر مہنگائی پر قابو پالیا جائے گا۔

لاہور میں میڈیا سے گفتگو کرتے ہوئے فواد چوہدری نے اپوزیشن جماعتوں پر تنقید کی اور حکومتی اقدامات سے متعلق بات چیت کی۔

وفاقی وزیر نے کہا کہ اپوزیشن نے عمران خان کو کیا بھیجنا ہے، یہ تو خود ہی گھر چلی جائے گی۔

ہمیں آپس کی لڑائیوں سے آگے نکلنا چاہیے، فواد چوہدری

وفاقی وزیرسائنس اینڈ ٹیکنالوجی فواد چوہدری کاکہنا ہےکہ ہمیں آپس کی لڑائیوں سے آگے نکلنا چاہیے، نیب سمیت تمام متنازعہ قوانین میں ترامیم کرنی چاہیے ، عوام اب ہمیں آپس میں لڑتا نہیں ملکر کام کرتا دیکھنا چاہتے ہیں

انھوں نے دعویٰ کیا کہ اپوزیشن کی تحریک چلنے سے پہلے ہی ناکام ہو رہی ہے، جنوری تک اپوزیشن کی تحریک کا بوریا بستر گول ہوجائے گا۔

وفاقی وزیر سائنس اینڈ ٹیکنالوجی کا کہنا تھا کہ وزیراعظم نے مقدمات میں کسی کو ریلیف نہیں دینا، اپوزیشن کی تحریک سینٹ انتخابات کو سبوتاز کرنے کے لیے ہے۔

ان کا یہ بھی کہنا تھا کہ جلسے جلوس کرنے والے اپنے خلاف مقدمات ختم کروانا چاہتے ہیں۔

نواز شریف واپس آکر جیل ہی جائیں گے، فواد چوہدری

وفاقی وزیر سائنس و ٹیکنالوجی فواد چوہدری کا کہنا ہے کہ نوازشریف جیل میں سزا کاٹ رہے تھے واپس آئیں گے تو جیل ہی جائیں گے۔

انھوں نے کا کہ عوام کا اصل مسئلہ مہنگائی ہے، وزیراعظم عمران خان اس ہفتے توانائی اور خوراک کے دو بڑے پیکیجز دے رہے ہیں۔

انھوں نے یہ بھی دعویٰ کیا کہ چند ہفتوں میں مہنگائی پر قابو پالیا جائے گا۔

فواد چودھری کا کہنا تھا کہ جنوری تک اور کوئی تبدیلی نہیں آنی، نوازشریف واپس آئیں گے، مولانا فضل الرحمٰن اللّٰہ اللّٰہ کریں۔

تازہ ترین