آپ آف لائن ہیں
جمعہ11؍ربیع الثانی 1442ھ 27؍نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ترکی میں زلزلہ، ہلاکتیں 20 ہوگئیں، 800 افراد زخمی

ترکی کے مغربی شہر ازمیر میں 7.0 شدت کے زلزلے کے نتیجے میں 20 افراد جاں بحق جبکہ800 سے زائد زخمی ہوگئے، مزید ہلاکتوں کا خدشہ ظاہر کیا گیا ہے۔

زلزلے کے باعث کئی عمارتیں گر گئیں، ملبے تلے دبے افراد کو نکالنے کے لیے امدادی کارروائیاں جاری ہیں۔

زلزلے کے بعد ساحلی علاقوں میں سمندر کا پانی داخل ہوگیا ہے۔

ترکی کے ڈیزاسٹر اینڈ ایمرجنسی مینجمنٹ کے ہیڈ آفس کی ویب سائٹ پر دی گئی معلومات کے مطابق ازمیر کے علاقے سفری حصار سے 17 کلومیٹر دور بحیرہ ایجیئن میں ترکی کے مقامی وقت کے مطابق دو بجکر 51 منٹ پر زلزلے کے جھٹکے محسوس کیے گئے۔ زلزلہ زیر زمین 16.54 کلومیٹر کی گہرائی میں آیا۔

دوسری جانب امریکی جیولوجیکل سروے کے مطابق ترکی اور یونان میں زلزلہ کی شدت 7.0 ریکارڈ کی گئی۔ زلزلہ کے بعد سونامی کی وارننگ جاری کردی گئی۔

میڈیا رپورٹس کے مطابق بلغاریہ، مصر، لیبیا اور برطانیہ میں بھی زلزلےکے جھٹکے محسوس کیے گئے۔

وزیر خارجہ شاہ محمود قریشی نے ترکی میں زلزلے سے قیمتی جانوں کے ضیاع پر افسوس کا اظہار کیا ہے۔

بین الاقوامی خبریں سے مزید