آپ آف لائن ہیں
جمعہ11؍ربیع الثانی 1442ھ 27؍نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نواز شریف کے بیانئے کا بوجھ ن لیگ برداشت کررہی ہے،تجزیہ کار


کراچی (ٹی وی رپورٹ)جیو کے پروگرام ”نیا پاکستان شہزاد اقبال کے ساتھ“ میں گفتگو کرتے ہوئے سنیئرتجزیہ کار حامد میر نے کہا کہ نواز شریف کے بیانئے کا بوجھ ن لیگ کافی دنوں سے برداشت کررہی ہے۔

ن لیگ کے رہنما مصدق ملک نے کہا کہ جب بھی دشمن ہماری جانب نظریں اٹھائے گا اور میلی نظروں سے دیکھے گا تو ہم اس کے دانت کھٹے کرنے کی اہلیت بھی رکھتے ہیں ہماری افواج اہلیت رکھتی ہے۔

سینئر تجزیہ کار وجاہت خان نے کہا کہ امریکا کی چھ ریاستوں میں کانٹے کا مقابلہ دیکھنے میں آئے گا۔سینئر صحافی،سینئر تجزیہ کار حامدمیر نے پروگرام میں گفتگو کرتے ہوئے کہا کہ جہاں تک خواجہ آصف والا جوبیان ہے اس کی تو بعد میں خواجہ آصف نے معذرت کرلی تھی اور وہ بیان بھی ان سے پارٹی کی لیڈرشپ نے دلوایا تھا۔ 

حافظ حسین کے بیان کی جے یو آئی کے سیکریٹری جنرل مولانا عبدالغفور حیدری نے تردید کی اور کہا کہ یہ ان کا ذاتی بیان ہے ۔ 

آپ نے دیکھا کہ ایاز صادق اور مولانا فضل الرحمٰن نے مشترکہ طور پر میڈیا سے گفتگو کی ۔

نواز شریف کے بیانئے کا بوجھ ن لیگ کافی دنوں سے برداشت کررہی ہے نوازشریف نے گوجرانوالہ کے جلسے کے بعد کوئٹہ میں بھی ویسے ہی تقریر کی اور مسلم لیگ نون ان کے ساتھ ہی کھڑی ہے

ملک بھر سے سے مزید