• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فردوس عاشق اعوان کا مریم نواز سے متعلق علی امین گنڈا پور کے نظریے سے اتفاق


وزیر اعلیٰ پنجاب کی معاون خصوصی فردوس عاشق اعوان نے مریم نواز پر ذاتی حملوں سے متعلق علی امین گنڈا پور کے نظریے سے اتفاق کرتے ہوئے ان کی حمایت کردی۔

فردوس عاشق اعوان نے کہا کہ علی امین کے الفاظ کے چناؤ پر تحفظات ہوسکتے ہیں، لیکن اس کے پیچھے جو نظریات ہیں وہ اس کے ساتھ ہیں۔

انہوں نے کہا کہ قوم کی پائی پائی کسی کی ذات پر خرچ نہیں ہونی چاہیے۔

فردوس عاشق اعوان نے کہا کہ قوم کا پیسا لوٹ کر اگر کسی نے اپنی ڈینٹنگ، پینٹنگ پر لگایا ہے تو یہ حقیقتیں آشکار ہونی چاہئیں۔


واضح رہے کہ گزشتہ دنوں وفاقی وزیر مملکت برائے کشمیر امور علی امین گنڈا پور نے گلگت بلتستان میں انتخابی جلسے سے خطاب کرتے ہوئے مسلم لیگ ن کی نائب صدر مریم نواز کو شدید تنقید کا نشانہ بنا یا تھا۔

وفاقی وزیر نے مریم نواز کے بارے میں نازیبا الفاظ ادا کرتے ہوئے ان پر ذاتی حملے کیے تھے، علی امین گنڈا پور کے اس عمل کو سخت نا پسند کیا گیا اور انہیں سخت تنقید کا نشانہ بھی بنا یا گیا ۔

قومی خبریں سے مزید