کراچی کے علاقے نارتھ ناظم آباد میں بے قابو واٹر ٹینکر کے بینک میں گھسنے کا مقدمہ درج کرلیا گیا ہے۔
پولیس کے مطابق حادثے کا مقدمہ ٹینکر کے مفرور ڈائیور کے خلاف نارتھ ناظم آباد تھانے میں درج کرلیا گیا ہے۔ حادثے میں ایک شخص جاں بحق اور 5 افراد زخمی ہوئے تھے۔
پولیس کا کہنا ہے کہ حادثے میں 2 گاڑیاں اور 5 موٹر سائیکلیں بھی تباہ ہوئی تھیں۔
واضح رہے کہ گزشتہ روز کراچی کے علاقے نارتھ ناظم آباد میں تیز رفتار واٹر ٹینکر بے قابو ہو کر بینک میں گھس گیا تھا جس سے متعدد افراد زخمی جبکہ ایک شخص جاں بحق ہوگیا تھا۔
پولیس کے مطابق زخمیوں میں بینک کا سیکورٹی گارڈ،ڈرائیور اور راہگیر شامل ہیں۔