آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آرمی چیف سے افغان سفیر کی ملاقات، باہمی دلچسپی کے امور پر بات چیت


آرمی چیف جنرل قمر جاوید باجوہ سے افغان سفیر نے ملاقات کی جہاں باہمی دلچسپی کے امور اور خطے کی سیکیورٹی صورتحال پربات چیت کی گئی۔

پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ سے افغان سفیر نجیب اللّٰہ علی خیل نے ملاقات کی، جنرل قمر جاوید باجوہ نے افغان سفیر کی پاکستان میں تعیناتی کا خیرمقدم کیا۔

آئی ایس پی آر کے مطابق ملاقات میں باہمی دلچسپی کے امور اور خطے کی سیکیورٹی صورتحال پر بات چیت کی گئی۔

آرمی چیف جنرل قمر جاوید باجوہ نے امید ظاہر کی نجیب اللّٰہ علی خیل کی خدمات پاک افغان تعلقات کو مزید فروغ دینے میں مددگار ثابت ہوں گی۔

ملاقات میں افغان امن عمل، بارڈر مینجمنٹ کے متعلقہ امور پر تبادلہ خیال کیا گیا جبکہ دفاع اور سیکیورٹی تعاون پر بھی بات چیت کی گئی۔

ڈی جی آئی ایس پی آر کا کہنا ہے کہ ملاقات میں دونوں ممالک کے درمیان برادرانہ تعلقات کو فروغ دینے پر اتفاق کیا گیا۔

قومی خبریں سے مزید