آپ آف لائن ہیں
جمعرات17؍ربیع الثانی 1442ھ3؍دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مائیکل جیکسن کی بیٹی کی پہلی البم کو پذیرائی نہ مل سکی

پاپ میوزک کے کنگ مائیکل جیکسن کی اکلوتی بیٹی پیرس جیکسن کا پہلا میوزک البم ’wilted‘ ریلیز ہوگیا۔

مائیکل جیکسن اسٹائل کے برعکس دھیمے سُروں کی موسیقی پر مشتمل گیارہ گانوں کے البم کو زیادہ پذیرائی نہ مل سکی۔

اس حوالے سے غیر ملکی خبر رساں ادارے سے بات کرتے ہوئے پیرس جیکسن کا کہنا ہے کہ جب وہ بڑی ہورہی تھیں تو موسیقی میں ان کا رجحان موٹاؤن سے کلاسیکل تھا۔ 

انھوں نے بتایا کہ اپنی پہلی البم کے لیے انھوں نے اپنے رجحان کے متبادل اور روایتی میوزک کا انتخاب کیا ہے۔ 

کنگ آف پاپ کی 22 سالہ بیٹی نے ناقدین سے متعلق کہا کہ اگر آپ البم کو پسند نہیں کرتے کوئی بات نہیں، اپنی البم دوسروں کو خوش کرنے کے لیے بنائی ہے۔ 

پیرس جیکسن کا کہنا تھا کہ مجھے امید ہے کہ لوگ میری البم کو پسند کریں گے لیکن اگر وہ نہیں کرتے تو کوئی بات نہیں۔

پیرس جیکسن کی پہلی ایلبم ’وِلٹڈ‘ 13 نومبر کو ریلیز کی گئی ہے۔ 

واضح رہے کہ سال 2009 میں والد مائیکل جیکسن کی موت کے بعد وہ اپنی دادی کے پاس پلی بڑھی ہیں۔

انٹرٹینمنٹ سے مزید