آپ آف لائن ہیں
جمعہ18؍ربیع الثانی 1442ھ 4؍دسمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

افغان شہریوں کے قتل میں ملوث آسٹریلین فوجیوں کے ثبوت سامنے آگئے


آسٹریلیا کے فوجیوں کے خلاف افغانستان میں جنگی جرائم کے الزامات پر تحقیقات کے دوران افغانستان میں 39 شہریوں کے قتل میں 19 آسٹریلین فوجیوں کے ملوث ہونے کے ثبوت سامنے آگئے ہیں۔

خبر ایجنسی کے مطابق اسپیشل آسٹریلین فورسز نے افغان جنگ کے دوران غیر قانونی طور پر 39 افراد کا قتل کیا تھا جبکہ نیس سابق یا موجودہ آسٹریلین فوجیوں نے مختلف جرائم کئے یا ان کے شراکت دار بنے۔

رپورٹ کے مطابق بیشتر الزامات اسپیشل ایئر سروس ایلیٹ یونٹ کے آسٹریلین فوجیوں سے متعلق ہیں جبکہ 4 سال کی تحقیقات میں57 واقعات کا جائزہ اور 300 سے زائد گواہوں کے بیانات ہوئے۔

خبرایجنسی کے مطابق قتل کے واقعات 2009 سے2013 کے درمیان ہوئے تھے۔

دوسری جانب سربراہ آسٹریلین ڈیفینس فورس کا کہنا ہے کہ 19 حاضر سروس اور سابقہ آسٹریلین اہلکاروں کیخلاف تحقیقات ہوگی۔

بین الاقوامی خبریں سے مزید