آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سعودی عرب کشمیر اور لداخ کے نقشے والے کرنسی نوٹ واپس لے رہا ہے، بھارتی میڈیا

لاہور(خالدمحمودخالد) بھارتی میڈیا نے کہا ہے کہ بھارتی دفتر خارجہ نے دعویٰ کیا ہے کہ سعودی عرب 20 ریال کے اس کرنسی نوٹ کو واپس لے رہا ہے جس کی پشت پر جموں کشمیر اور لداخ کو بھارتی حصہ نہ دکھانے پربھارت نے شدیداحتجاج کیاتھا۔ سعودی عرب نے یہ کرنسی نوٹ 24 اکتوبر کو جی 20 ممالک کی کانفرنس کے حوالے سے جاری کیا تھا جس کی پشت پر دنیا کا نقشہ بنایا گیا تھا۔ نقشے میں کشمیر اور لداخ کو بھارتی یا پاکستان کا حصہ نہیں دکھایا گیا تھا۔پاکستان نے بھی اس کرنسی نوٹ پرشائع ہونے والے نقشہ پر اعتراض کیا تھا۔ واضح رہے کہ جی 20 ممالک کی پہلی ورچوئل کانفرنس آج سے شروع ہورہی ہے جس میں بھارتی وزیراعظم نریندر مودی بھارت کی نمائندگی کریں گے۔ 

دنیا بھر سے سے مزید