آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

رقم چھیننے کی کوشش میں قتل کیس کے ملزم کو عمر قید

راولپنڈی (نمائندہ جنگ) ایڈیشنل ڈسٹرکٹ ایند سیشن جج راولپنڈی محمد افضل مجوکہ نے قتل کیس کے ملزم کو عمر قید اور پانچ لاکھ روپے ہرجانہ ادا کرنے کا حکم دیدیا۔ راولپنڈی کے تھانہ کینٹ کی پولیس نے گزشتہ سال چار اپریل کو نعمت خان کی درخواست پر مقدمہ درج کیا تھا ۔مدعی کے مطابق وہ اپنے ماموں کے ہمراہ ایک لاکھ چالیس ہزار امریکی ڈالر تبدیل کروانے مال پلازہ پہنچا تو دو مسلح افراد نے ہمیں روک کر میرے ماموں سے ڈالروں کا بیگ چھیننے کی کوشش کی ماموں کے شور مچانے پر میں نے دوسرے ڈاکو کو پکڑ لیا، اسی اثناء میں ایک ڈاکو نے فائرنگ کر دی جس سے گولی اس کے اپنے ہی ساتھی کو لگی اور وہ موقع پر دم توڑ گیا جبکہ فائرنگ کرنے والا ڈاکو رقم لے کر فرار ہو گیا، بعدازاں پولیس نے مفرور ملزم تنویر حسین کو گرفتار کیا اور اس نے اعتراف جرم بھی کرلیا، گزشتہ روز عدالت نے ملزم کو قید اور جرمانے کی سزا سنائی۔

اسلام آباد سے مزید