اسپین، ہفتے میں تین چھٹیاں دینے کا فیصلہ

05 دسمبر ، 2020

اسپین کی حکومت نے کورونا وائرس کے یپش نظر ہفتے میں تین دن چھٹی دینے اور چار دن کام کرنے کے حوالے سے سوچ بچار شروع کردی ہے۔

اسپین کے وزیر اعظم نے تصدیق کی کہ حکومت اس بات پر غور کررہی ہے کہ دفتری یا کام کے دنوں کو چار دن کردیا جائے، ممکن ہے اس فیصلے پر آئندہ چند روز میں عمل درآمد شروع ہوجائے۔

انہوں نے کہا کہ ہم چاہتے ہیں کہ ہر شخص ہفتے میں زیادہ سے زیادہ 32 گھنٹے کام کرے، اُس کو ہفتے میں چار دن کام کرنے کی بھی پوری تنخواہ دی جائے۔

نائب وزیراعظم نے بتایا کہ ہفتے میں تین روز کی تعطیلات کا خیال منسٹری آف ورک نے پیش کیا، جس کو حکومت اور اپوزیشن دونوں نے تسلیم کیا ہے۔

انہوں نے واضح کیا کہ ہفتے میں چار دن کام سے ہم اپنی معیشت کو بہتر کرسکتے ہیں کیونکہ جب لوگوں کو آرام ملے گا تو وہ ذمہ داری کے ساتھ کام کریں گے اس کے ساتھ ہی کورونا ایس او پیز پر عمل بھی کریں گے۔

تازہ ترین