فرمان الہی
نماز کے اوقات
کراچی (اسٹاف رپورٹر) قائد اعظم ٹرافی فرسٹ کلاس ٹورنامنٹ میں حیدرآباد کے لیفٹ آرم اسپنر نعمان علی نے اس سال پچاس وکٹوں کا سنگ میل عبور کرلیا۔ یو بی ایل اسپورٹس کمپلیکس میں بدھ کو میچ کے دوسرے دن ناردرن نے سنٹرل پنجاب کے خلاف دوسری اننگز میں دوسرے روز کھیل ختم ہونے پر دو وکٹ پر 77 رنز بنائے ہیں ۔ اس سے قبل سنٹرل پنجاب ناردرن کے پہلی اننگز کے 243 رنز کے جواب میں 234 رنز بنا کر آؤٹ ہوگئی ۔ نعمان علینے 84 رنز دے کر 7 شکارکیے۔ نیشنل اسٹیڈیم کراچی میں سدرن پنجاب نے بلوچستان کے خلاف دوسری اننگز میں 2 وکٹ پر 149 رنز بنا لیے ہیں ۔ سدرن پنجاب نے پہلی اننگز میں 256رنز بنائے تھے۔ سدرن پنجاب نے پہلی اننگز میں بلوچستان کو 164 رنز پر آؤٹ کر دیا ۔ عامر یامین نے 47 رنز دے کر 6 وکٹیں حاصل کیں ۔ ایاز تصور76 بناکر آئوٹ ہوئے ۔ اسٹیٹ بنک اسٹیڈیم میں خیبر پختونخواہ نے سندھ کے خلاف پہلی اننگز میں 4 وکٹ پر 260 رنز بنالیے ہیں ۔کامران غلام124 رنز بنا کر کریز پر موجود ہیں۔فخرزمان 62 رنز بنا کر آؤٹ ہو ئے۔
