اسپتال انتظامیہ نے مریضہ کی خواہش پوری کردی

برطانیہ کے اسپتال میں علاج کی غرض سے داخل ہونے والی خاتون کی خواہش تھی کہ وہ رواں سال کی برفباری سے لطف اندوز ہوسکیں مگر علاج کی وجہ سے یہ ممکن نہیں تھا۔

مریضہ نے اپنی خواہش کا اظہار ڈاکٹر سے کیا جس کو انہوں نے بغور سُنا اور مریضہ کو حوصلہ دیا کہ وہ جلد صحت یابی کے بعد برفباری سے لطف اندوز ہوسکیں گی۔

مریضہ کے پُرزور اسرار پر اسپتال انتظامیہ نے خاتون کی خواہش پوری کرنے کے لیے مصنوعی برفباری کی۔

اسپتال کی انتظامیہ نے ملازمین کی مدد سے کمرے کا ماحول تبدیل کیا اور پھر مشین سے مصنوعی برفباری کر کے مریضہ کی خواہش پوری کی۔