تھوڑا انتظار، پی ڈی ایم خوشخبری دے گی، محمد زبیر

مسلم لیگ نون کے رہنما اور سابق گورنر سندھ محمد زبیر کاکہنا ہے کہ عمران خان جب تک ہیں، ہمیں ان ہاؤس تبدیلی قبول نہیں، تھوڑے گھنٹے انتظار کرلیں پی ڈی ایم کے پلیٹ فارم سے خوشخبری ملے گی۔

جاتی امراء میں میڈیا سےگفتگو کرتے ہوئے مسلم لیگ نون کے رہنما محمد زبیر نے کہا کہ پی ڈی ایم ایک پیج پر رہے گی اور حکومت کو تگڑا ٹائم دے گی۔

قومی اسمبلی کے سارے استعفے آگئے ہیں، عطا اللہ تارڑ

مسلم لیگ نون کے رہنما عطا اللہ تارڑ نے کہا ہے کہ ہمارے پاس قومی اسمبلی کے سارے استعفے آگئے ہیں، وقت آنے پر استعفے دکھا دیں گے۔

سابق گورنز سندھ نے کہا کہ پی پی پی کے موقف میں تبدیلی نہیں ہے،پی پی رہنما سی ای سی کی میٹنگ کے بعد پہلی بار آ رہے ہیں، ان کا موقف سنیں گے۔

محمدزبیر کاکہنا تھا کہ بلاول کے لاہور نہ آنے کی کوئی خاص وجہ نہیں، یہ کوئی آخری میٹنگ نہیں ہے چار دن بعد دوبارہ اجلاس ہے بلاول اس میں آجائیں گے۔

لیگی رہنما کاکہنا تھا کہ استعفےسارے آچکےہیں ان کواپنےوقت پراستعمال کرنا ہے۔