ڈاکٹر عاصم قرنطینہ میں موجود، سماعت ملتوی

کراچی کی انسداد دہشتگردی عدالت نے سابق مشیر پیٹرولیم ڈاکٹر عاصم کے اسپتال میں دہشتگردوں کے علاج معالجے سے متعلق کیس کی سماعت اسپیشل پراسیکوٹر کی غیرحاضری اور ڈاکٹر عاصم کے قرنطینہ میں ہونے کی وجہ سے بغیرکارروائی 6 فروری تک ملتوی کردی گئی ۔

ڈاکٹر عاصم کے اسپتال میں دہشتگردوں کے علاج معالجےسے متعلق کیس کی سماعت پر انیس قائمخانی، وسیم اختر، روف صدیقی و دیگر ملزمان انسداددہشتگردی عدالت میں پیش ہوئے۔

اسپیشل پراسیکوٹر جی ایم بھٹو والد کے انتقال کے باعث پیش نہیں ہوسکے۔

ڈاکٹرعاصم کے وکیل نے عدالت کوبتایا کہ ان کے موکل کے گھر میں کورونا وائرس کے تین کیس رپورٹ ہوئے ہیں جس پرڈاکٹر عاصم حسین نے خود کو قرنطینہ کیا ہوا ہے۔

اسپیشل پراسیکوٹر کی غیرحاضری کے باعث سماعت 6فروری تک ملتوی کردی گئی۔

عدالت نے آئندہ سماعت پر ملزمان اور اسپیشل پراسیکوٹر کو حاضری یقینی بنانے کا حکم دے دیا۔