احسن خان کی گردوارہ ننکانہ صاحب حاضری

اداکار احسن خان نے حال ہی میں گردوارہ ننکانہ صاحب پر حاضری دی ہے اور اسے اپنی زندگی کا بہترین تجربہ قرار دیا ہے۔

سوشل میڈیا سائٹ انسٹاگرام پر گردوارہ پر حاضری کے دوران لی گئی کچھ تصاویر احسن خان نے شیئر کیں۔

انسٹاگرام کے کیپشن میں انہوں نے بابا گرونانک کا ایک قول بھی شیئر کیا، جس کا مفہوم یہ ہے کہ ’لاکھوں کی دولت رکھنے والے شہنشاہوں کا بھی اس چیونٹی سے موازنہ نہیں کیا جا سکتا جس کے دل میں خدا کی محبت ہو۔‘

انہوں نے یہ بھی لکھا کہ ’بین الامذاہب ہم آہنگی کیلئے ایک دوستانہ قدم اٹھایا گیا۔‘

احسن خان نے گردوارہ ننکانہ صاحب کے وزٹ کو ایک بہترین اور یادگار دورہ قرار دیا۔