آپ آف لائن ہیں
اتوار5؍رمضان المبارک 1442ھ 18؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

30 جنوری کو کراچی بھر میں 50 مقامات پر دھرنے دینگے، حافظ نعیم الرحمٰن

امیر جماعت اسلامی کراچی حافظ نعیم الرحمٰن نے کہا ہے کہ 30 جنوری کو شہر بھر میں 50 مقامات پر احتجاجی دھرنے دیے جائیں گے۔

اپنے ایک بیان میں حافظ نعیم الرحمٰن کا کہنا تھا کہ کہا کہ عمران خان کرسی چھوڑ دیں لیکن پاکستان کے عوام کو مزید قرضوں میں نہ ڈالیں۔

امیر جماعت اسلامی کراچی نے کہا کہ بجلی کی قیمتوں میں اضافہ فوری واپس لیا جائے۔

انھوں نے کہا کہ لاہور، پنڈی، اسلام آباد میں ترقی سے کراچی کو خوشی ہوتی ہے لیکن کراچی کو بھی حق دیا جائے۔

امیر جماعت اسلامی کراچی نے مطالبہ کیا کہ کوٹہ سسٹم واپس لیا جائے، کراچی کے نوجوانوں کو ملازمتیں دی جائیں۔

ان کا کہنا تھا کہ پاکستان تحریک انصاف (پی ٹی آئی) کی کراچی سے قومی اسمبلی کی 14اور سندھ اسمبلی کی 21 نشستیں ہیں۔

انھوں نے کہا کہ اتنی نشستوں کے باوجود پی ٹی آئی نے کراچی کے لیے کچھ نہیں کیا۔

حافظ نعیم الرحمٰن کا کہنا تھا کہ ایم کیو ایم بتائے نعمت اللّٰہ خان کے بعد ٹرانسپورٹ کا نظام کیوں آگے نہیں بڑھ سکا؟

قومی خبریں سے مزید