فرمان الہی
نماز کے اوقات
پاکستان کی معروف ٹک ٹاک ماڈل اور گلوکار عاصم اظہر کے مقبول ترین گانے ’تُم تُم‘ کی اداکارہ اریکا حق ایک بڑا اعزاز اپنے نام کرنے میں کامیاب ہوگئی ہیں۔
ویڈیو شیئرنگ ایپ ٹک ٹاک پر منفرد ادکاری کرکے انتہائی کم عرصے میں مقبولیت حاصل کرنے والی اریکا حق کے سماجی رابطے کی ویب سائٹ انسٹاگرام پر فالوورز کی تعداد 2 ملین یعنی 20 لاکھ ہوگئی ہے۔
یہ سنگِ میل عبور کرنے کے بعد اریکا حق پاکستان کی پہلی ٹک ٹاک ماڈل بن گئی ہیں جن کے انسٹاگرام پر 2 ملین فالوورز ہیں۔
کامیابی کے اس موقع پر اریکا حق نے اپنے انسٹاگرام اکاؤنٹ پر اپنے مداحوں کے لیے خصوصی پیغام جاری کیا ہے۔
اریکا حق نے انسٹاگرام پر اپنی کچھ تصویریں شیئر کیں جن میں اُنہوں نے ہاتھ میں 2 ملین والا سائن لیا ہے۔
ٹک ٹاک ماڈل نے اس تصویر کے کیپشن میں لکھا کہ ’میری زندگی میں ہر ایک فرد کا شکریہ جس نے میری مدد کی اور مجھ پر یقین کیا۔‘
اُنہوں نے کہا کہ ’میرے فین پیچز کا خصوصی شکریہ جنہوں نے ہمیشہ میرا ساتھ دیا۔‘
آخر میں اریکا حق نے کہا کہ ’میں اپنے تمام مداحوں سے بہت محبت کرتی ہوں۔‘
دوسری جانب اگر ہم اریکا حق کے ٹک ٹاک اکاؤنٹ کی طرف نظر دوڑائیں تو وہ ٹک ٹاک پر بھی بےحد مشہور ہیں، ویڈیو شیئرنگ ایپ ٹک ٹاک پر اریکا حق کے 7 اعشاریہ 9 ملین یعنی 79 فالوورز ہیں۔
واضح رہے کہ عاصم اظہر کا گانا ’تُم تُم‘ گزشتہ سال ریلیز ہوا تھا جسے کافی مقبولیت بھی حاصل ہوئی تھی۔
6 منٹ11سیکنڈز پر مشتمل عاصم اظہر کے گانے کی کہانی ایک ایسی خود غرض لڑکی کے گِرد گھومتی ہے جو صرف پیسوں سے محبت کرتی ہے اور اپنی محبت میں گرفتار لڑکوں کو دھوکا دیتی ہے جبکہ گانے کے آخر میں اداکارہ ہانیہ عامر کی انٹری بھی ہوتی ہے۔
عاصم اظہر کے اِس گانے کی مرکزی کردار معروف ٹک ٹاک اسٹار اریکا حق تھیں جبکہ گانے میں عاصم اظہر، اُردو ریپ سانگ کے گلوکار رامس، طلحہ یونس، طلحہٰ انجم اور گلوکار و اداکار تیمور صلاح الدین عرف مورو نے بھی اپنی اداکاری کے جوہر دکھائے تھے۔
واضح رہےکہ پاکستان کی نمبر ون ٹک ٹاک اسٹار جنت مرزا ہیں جنہیں اس وقت ٹک ٹاک پر 13 ملین صارفین نے فالو کیا ہوا ہے۔
پاکستان کی دوسری ٹاپ ٹک ٹاک اسٹار کنول آفتاب ہیں جنہیں اس وقت ٹک ٹاک پر 11 ملین سے زائد صارفین نے فالو کیا ہوا ہے۔
تیسرے نمبر پر ذوالقرنین سکندر جنت مرزا کی چھوٹی بہن علشبہ انجم ہیں جبکہ پانچویں نمبر پر حور ماہاویرا ہیں۔
