حکومت نے عوام پر منہگائی کا ایک اور بم مار دیا، قمر زمان کائرہ

پاکستان پیپلز پارٹی کے رہنما قمر زمان کائرہ کا مہنگائی سے متعلق کہنا ہے کہ حکومت نے عوام پرمنہگائی کا ایک اور بم مار دیا ہے ۔

قمر زمان کائرہ نے احتساب عدالت سے باہر میڈیا سے گفتگو کے دوران کہا ہے کہ ہم اس منہگائی کی پر زور مذمت کرتے ہیں، پیٹرول بڑھتا ہے، آٹا بڑھتا ہے، نہیں بڑھتی تو تنخواہ نہیں بڑھتی۔

قمر زمان کائرہ نے کہا ہے کہ خورشید شاہ کیس میں مسلسل تاخیر کی جارہی ہے، عدالتوں کےواضح احکامات کے بعد خورشید شاہ کو جیل میں رکھنا پری ٹرائل ہے۔

انہوں نے مزید کہا کہ خورشید شاہ عدالت میں بے گناہ ثابت ہوں گے، ہمیں امید ہے خورشید شاہ سے جلد انصاف ہوگا۔