فرمان الہی
نماز کے اوقات
ممبئی (مانیٹرنگ ڈیسک)بولی وڈ کی صفِ اول کی اداکارہ کترینہ کیف کا نام کسی تعارف کا محتاج نہیں ہے، وہ اکثر کچھ نہ کچھ نیا اور دلچسپ کرتی نظر آتی ہیں۔کترینہ سوشل میڈیا پر کافی متحرک نظر آتی ہیں اور فلموں کی طرح اس پلیٹ فارم پر بھی مداحوں کو اپنی دلچسپ پوسٹس سے محظوظ کرتی رہتی ہیں۔اس بار کترینہ نے ساتھی اداکاروں کے ساتھ بیڈمنٹن کھیلتے ہوئے رقص کرنے کی ویڈیو فوٹو اور ویڈیو شیئرنگ ایپلیکیشن (ایپ) انسٹاگرام پر شیئر کی ہے۔ویڈیو میں کترینہ نوجوان اداکار ایشان کھتر کے ساتھ بیڈمنٹن کھیل رہی ہیں اور سدہانت چترویدی یفری کے فرائض سرانجام دے رہے ہیں۔اداکارہ بیڈمنٹن کھیلتے ہوئے ڈانس کے انداز میں خوشی مناتی ہیں اور سروس کرانے کے لیے بھی ڈانس اسٹیپ کا ہی انتخاب کرتی ہیں۔کترینہ نے ویڈیو کے ساتھ تحریر کیا کہ ’بیڈمنٹن جیسے پروفیشنل کھیل کا رقص کے ساتھ امتزاج‘۔ساتھ ہی انہوں نے یہ بھی لکھا کہ ایشان کھتر میرے ساتھ کھیل رہے تھے جب کہ سدہانت مہلوترا ’ایک مہربان ریفری‘ کی طرح یہ ثابت کرتے ہوئے کہ میں بہتر کھیل رہی تھی حالانکہ حقیقتاً ایسا نہیں تھا۔خیال رہے کہ یہ تینوں اداکار اکثر سوشل میڈیا پر ایک دوسرے کی پوسٹس پر کمنٹس کرتے رہتے ہیں اور بالی وڈ فلم ’فون بھوت‘ میں ایک ساتھ نظر آئیں گے
