فرمان الہی
نماز کے اوقات
امیرِ جماعت اسلامی پاکستان سینیٹر سراج الحق نے کہا ہے کہ ہزار دن میں کچھ نہ کرنے کا اعتراف ناکامی ہے۔
لاہور سے جاری بیان میں سراج الحق نے کہا کہ پیسوں والی ویڈیو میں جس نے پیسے لیے اُن کے چہرے سامنے آگئے، جس نے رشوت کے پیسے جمع کرکے خریداری کروائی اُن کے نام سامنے نہیں آئے ہیں۔
انہوں نے کہا کہ اگر اُس وقت کے وزیراعلیٰ پرویز خٹک اور اسپیکر ہاؤس میں پیسوں کا لین دین ہوا تو اُس میں دو لوگ شامل نہیں۔
امیر جماعت اسلامی نے مزید کہا کہ لین دین اور کرپشن میں پورا ٹبر چور ہے، حکومت روز عوام کو مہنگائی کا کرنٹ لگاتی ہے اور عوام کی چیخیں نکلتی ہیں۔
اُن کا کہنا تھا کہ وزیر اعظم نے اعتراف کیا کہ تبدیلی کے لیے 5 سال کم ہیں جبکہ پہلے عمران خان نے تبدیلی کے لیے 100 دن اور پھر 6 ماہ کہے تھے۔
سراج الحق نے یہ بھی کہا کہ حکومت کے ایک ہزاردن گزر گئے اس دورانیے میں کچھ نہ کرنے کا اعتراف ہی ناکامی ہے۔
انہوں نے کہا کہ پی ٹی آئی اور پی ڈی ایم دونوں کیلئے دعا ہی کر سکتے ہیں۔
